ഓറഞ്ച്

പ്രായം വില്ലനായി; എന്നിട്ടും ലോക മുത്തശ്ശി ഫെയ്‌സ്ബുക്ക് 
അക്കൗണ്ട് തുറന്നു 

ന്യൂയോര്‍ക്ക്: പേര് അന്ന സ്‌റ്റോഹര്‍. വയസ്സ് 113. എല്ലാവരും ഫെയ്‌സ്ബുക്കിലെത്താന്‍ കൊതിക്കുന്ന യുഗത്തില്‍ അന്ന സ്‌റ്റോഹര്‍ക്കും അതിന് ആഗ്രഹം. ലോകത്ത് ഇപ്പോള്‍ ജീവിച്ചിരിക്കുന്നവരില്‍ ഏറ്റവും പ്രായമുള്ളവരില്‍ ഒരാളായ സ്‌റ്റോഹര്‍ക്ക് പക്ഷേ ഫെയ്‌സ്ബുക്കില്‍ അക്കൗണ്ട് തുറക്കാന്‍ തന്റെ ജനനതീയതി പോലും തെറ്റായി നല്‍കേണ്ടി വന്നു. ഒര്‍ജിനലും വ്യാജനുമായി പല പേരില്‍ ആളുകള്‍ ഫെയ്‌സ്ബുക്കില്‍ വിരാജിക്കുന്ന കാലത്ത് അന്ന സ്റ്റോഹര്‍ തന്റെ ജനനതീയതി തെറ്റായി നല്‍കിയത് വലിയ അപരാധമൊന്നുമല്ല. പക്ഷേ, കഥയങ്ങനയല്ല. യഥാര്‍ഥ ജനനതീയതി ഫെയ്‌സ്ബുക്ക് സ്വീകരിക്കുന്നില്ലെങ്കില്‍ പിന്നെ എന്തു ചെയ്യും. അതേ സ്റ്റോഹറും ചെയ്തുള്ളൂ. 15 വര്‍ഷം പ്രായം കുറച്ച് 99 വയസ്സ് എന്ന് ചേര്‍ത്ത് അക്കൗണ്ട് തുറന്നിരിക്കുകയാണ് മുത്തശ്ശി.